अन्ततः संविधानसभामा मतदान हुने

काठमाडौं, १० असार : सात राजनीतिक दलबीच मंगलबार लामो समयसम्म बसेको बैठक सहमति नजिक पुगेको भनिए पनि अन्ततः असहमतिका बुँदाहरूमा संविधानसभामा मतदान हुने भएको छ ।

'संविधानसभाले मात्र डेडलक तोड्नसक्छ’

काठमाडौं, ९ असार : नेकपा (माओवादी)का केन्द्रीय सचिवालय सदस्य देव गुरुङले थाती रहेका राजनीतिक मुद्दाहरूको समाधान संविधानसभाबाट खोजिनुपर्ने बताउनुभएको छ । 'बालुवाटारबाट समाधान गर्ने प्रयत्न धेरै गरियो, तर अब समाधान खोज्ने थलो संविधानसभालाई बनाइनुपर्छ, त्यसले डेडलक तोड्नुपर्छ,’ सोमबार काठमाडौंमा आयोजित एक कार्यक्रममा गुरुङले भन्नुभयो ।

३ डीएसपीसहित १७ जना अधिकृतहरू नियन्त्रणमा, सशस्त्रका जवानहरु आन्दोलित

नेपालगन्ज, ८ असार : प्रहरी संगठनभित्र चरम अन्याय, अत्याचार र भेदभाव भएको भन्दै शनिबार राती बाँकेको शमशेरगन्जस्थित बागेश्वरी सशस्त्र गणका प्रहरी जवानहरू संगठित रूपमा आन्दोलित भएका छन् ।

'कांग्रेसका कारण सहमति भएन’

काठमाडौं, ७ असार : नेकपा (माओवादी)का वरिष्ठ नेता मोहन वैद्य 'किरण’ले 'प्रधानमन्त्री कोइरालाको हठ र सत्तालिप्साका कारण राजनीतिक सहमति जुट्न नसकेको बताउनुभएको थियो ।’ राजधानीमा शनिबार आयोजित साक्षात्कार कार्यक्रममा उहाँले त्यस्तो विचार व्यक्त गर्नुभएको हो ।

माओवादी मन्त्रीहरुद्वारा राजीनामा

काठमाडौं, ६ असार : सहमतिबाटै राजनीतिक निकास निकाल्न निकै प्रयास गर्दागर्दै पनि कांग्रेसको सत्तालिप्साका कारण दलहरुको बीचमा सहमति हुन सकेन । नयाँ जनादेशअनुसार सरकार गठन गर्ने प्रक्रियाको ढोका नखुलेपछि अन्ततः माओवादीका मन्त्री र राज्यमन्त्रीहरुले हिजो सात दलको बैठकमा राजीनामा दिएका छन । राजीनामा पछि जनदिशालाई अन्तर्वार्ता दिदै माओवादीका केन्द्रीय सचिवालय सदस्य देव गुरुङले भन्नुभयो- 'प्रधानमन्त्रीले राजीनामा दिएर नयाँ सरकार गठन गर्नका लागि मार्गप्रशस्त नगरेका कारण हामीले राजीनामा दिएका हौं ।’

सत्ता नछाड्ने गिरिजा हठ कायमै, माओवादीले आज सरकार छाड्ने सम्भावना

काठमाडौं, ५ असार : प्रधानमन्त्री गिरिजाप्रसाद कोइरालाले बिहीबार पनि पदबाट राजीनामा नदिएका कारण हालसम्म कायम रहेको सत्तारुढ गठबन्धन भंग हुने सम्भावना बढेको छ । सहमतिका आधारमा नयाँ सरकार गठन, शक्ति बाँडफाँड र अन्य प्रक्रिया अघि बढ्ने अवस्था नरहेकाले नेकपा (माओवादी) शुक्रबार सरकारबाट अलग हुने सम्भावना बढेको छ ।

किन थुनिए एलडिओ ?

काठमाडौं, ४ असार : विभिन्न कर्मचारी संगठनहरूले जिल्ला विकास समितिका ललितपुरका स्थानीय विकास अधिकारी (एलडिओ)डण्डुराज घिमिरेले ठेकेदारहरूसँगको मिलेमतोमा अनियमित ढंगले ढुंगाखानी सञ्चालन गरेको खुलासा गरेका छन् ।

'नयाँ सरकार गठनबारे छलफल हुन्छ’

काठमाडौं, ३ असार : नेकपा (माओवादी)का वरिष्ठ नेता डा. बाबुराम भट्टराईले तीन दलबीच आज हुने वार्ता नयाँ सरकार गठनको प्रक्रियामा केन्दि्रत हुने बताउनुभएको छ । मंगलबार तीन दलको वार्ता सकिएपछि जनदिशासाग संक्षिप्त कुरा गर्दै वरिष्ठ नेता भट्टराईले सो जानकारी दिनुभएको हो । यद्यपी उहाँले राष्ट्रपतिको निर्वाचन, शक्ति र जिम्मेवारी बाँडफाँडको विषयमा छलफल नटुङ्गएिको बताउनुभयो ।

'गिरिजाप्रसादका बाबु र म सँगै जेल बसेका थियौं’

नेकपा (माओवादी)ले कार्यकारी राष्ट्रपति नभई सेरेमोनियल राष्ट्रपति बन्ने स्थिति हुने हो भने सबैलाई मान्य हुने खालको राष्ट्रिय व्यक्तित्वलाई राष्ट्रपति बनाउनु पर्ने धारणा अगाडि सारेको छ । पार्टी केन्द्रीय समितिको बैठकमा व्यापक छलफलपछि यस्तो व्यक्तिलाई राष्ट्रपति बनाउँदा राष्ट्रिय एकता कायम गर्न र सहमति एवं सहकार्य गर्न समेत सजिलो हुने निष्कर्ष निकालेको थियो । माओवादीले विभिन्न क्षेत्र र व्यक्तित्वलाई समेट्ने गरी पाँच जनाको नाम भावी राष्ट्रपतिको रुपमा प्रस्तावित समेत गरेको थियो । ती पाँचजनामध्ये एक हुनुहुन्छ- रामराजाप्रसाद सिंह ।