• कटवालको षड्यन्त्र असफल
• अखिल (क्रान्तिकारी) नै अगाडि
• काठमाडौंमा माधव नेपाल बन्दुकका डरले हारेका हुन् ?
• भारतलाई गिरिजाभन्दा ज्ञानेन्द्र प्यारो
• तेह्रथुममा परीक्षा केन्द्र निर्धारण
• बीस नम्बर टोलीलाई जनताको आदेश
• 'सिन्धुली पोष्ट’ कार्यालयमाथि हमला
• मार्च २२ विश्व पानी दिवस
• पूर्वाञ्चलका समाचार

• यो खानेपानी आयोजनाको भविष्य के हुन्छ ?
• प्रवासका मजदुर चुपचाप छैनन्
• सिंजामा सेवाकेन्द्रका लागि प्रयासका चरणहरु
• अष्ट्रेलिया आउने महिला विद्यार्थीले असुरक्षित ठान्नुपर्दैन
• मृत्युसँग संघर्ष गर्दैछन उनीहरु
• एकीकरण पछिको प्रथम जिल्ला सम्मेलन

• पर्यटनले देशको आर्थिक क्रान्तिमा पहिलो भूमिका निर्वाह गर्नेछ - हिसिला यमि, पर्यटन तथा नागरिक उड्डयन मन्त्री, संघीय लोकतान्त्रिक गणतन्त्र, नेपाल

जननिर्वाचित राजनीतिक नेतृत्वको कमाण्डमा आऊ

नेपाल सरकारले पदावधि पुगेका पुराना सैनिक जर्नेलहरूको पदावधि नथपेको विषयमा राजनीतिक टिकाटिप्पणी जारी छन् । सेनालाई राजनीतिकरण गरिनु हुँदैन भनेर चर्को चर्को स्वरमा कुर्लनेहरू नै एउटा मन्त्रालयले आपनो एक विभागका अवधि सकिएका कर्मचारीका विषयमा गरेको कानुनसम्मत निर्णय माथि राजनीतिक तर्क कुतर्क तेस्र्याएर राजनीतिकरण गरिरहेका छन् । यसमा जनताबाट गत संविधानसभा चुनावमा पराजित भएकाहरू, विगतका जनहत्यारो पञ्चायतकाल र जनहत्यारो संसद्वादकालमा जनतामाथि लुटपाट र भ्रष्टाचार गरेकाहरू लाजै नमानीकन गणतन्त्र नेपालको जननिर्वाचित सरकारलाई यसो गर र यसो नगर भनेर आदेश दिने गर्दछन् । यो एक विडम्बनाकै कुरा भएको छ ।

रक्षा मन्त्रालयले आकाशै खस्ने कुनै काम गरेको छैन । पञ्चायतकालभरि र पछिल्लो संसद्कालभरि जागिर गरेर सेवा अवधि पूरा गरेका जर्नेलहरूलाई प्रचलित कानुनअनुसार घरै गएर आराम गर्ने अवसर दिएको हो । अथवा अब उनीहरूको पदमै बसेर राज्यको सेवा गर्ने कानुनी अधिकार सकिएको हो र सरकारको तजबीजमा मात्र अरु तीन वर्ष उनीहरूले सरकारको सेवा गर्न पाउने थिए । तर रक्षामन्त्री रामबहादुर थापाले सेनामा राजनीतिकरणलाई अन्त्य गर्न उनीहरूलाई तीन वर्ष पदावधि थप्न सकिने आपनो राजनीतिक अधिकार प्रयोग गर्नुभएन । बरु कानुनलाई अक्षरशः पालना गरेर आठ जर्नेललाई आराम गर्ने अवसर प्रदान गर्नुभयो । यो कुराबाट सैन्य अधिकारीहरू त खुशी नै भएका छन् । जनता पनि खुशी छन् । तानाशाही पञ्चायत खाएका, संसदीय भ्रष्ट व्यवस्था पनि खाएका पुराना मान्छेहरू कानुनबमोजिम खुरुखुरु बिदा हुनु देश, जनता र गणतन्त्रलाई राम्रै कुरा हो । तर केही राजनीतिक दलहरू जसले पञ्चायत र संसदीय व्यवस्था दुवैको जगेर्नाका लागि पसिना बगाएका छन् उनीहरू भने अत्यन्तै चिन्तित भएका छन् ।

उनीहरूलाई जेसुकै होस् सरकारले ठीक निर्णय गरेको छ । बरु यस्तो ठीक निर्णयलाई बेठीक भन्दै हिंड्ने अनुशासनहीन र अराजक सेनापतिलाई पनि बिदा गर्नुपर्ने हो । सरकारको आदेशै नमानी गृहयुद्ध भड्काउने अभिप्रायले हजारौं सेनाभर्ती गर्ने, सेनालाई राजनीतिकरण गर्न विभिन्न दरबारिया, पञ्चे र संसद्वादी दलहरूसँग हारगुहार गर्ने अझ त्यसले पनि नपुगेर राष्ट्रघात गर्दै विदेशीहरू गुहार्ने सेन्य नेतृत्वले कसरी सरकारको मुख्य मेरुदण्ड सेना हाँक्न सक्छ ? अराजकता, दण्डहीनता, राष्ट्रघात गर्ने र फौजलाई राजनीतिकरण गर्ने सेनापतिलाई पनि अब अविलम्ब बिदा गर्नुपर्ने जनादेश हो । सेन्य नैतिकता छ भने उनले आफै बिदा लिनुपर्ने हो ।

सम्पादक - कोमल बराल

कार्यकारी सम्पादक - मनऋषि धिताल

प्रबन्ध सम्पादक - अर्जुन थपलिया

कार्यालय ठेगाना - क्षितिज मार्ग, शंखमुल, काठमाडौं

फोन/फ्याक्स - ०१-४७८५४३३

पोष्ट बक्स नं - २३३६०, सुन्धारा, काठमाडौं

प्रकाशक - झिल्को प्रकाशन प्रा.लि.

मुद्रण - एक्सप्रेस कलर प्रेस प्रा.लि.

बुद्धनगर, काठमाडौं

Email - janadesh1@yahoo.com