नेताहरुलाई स्थानीय जनताले भव्य स्वागत गरेका थिए । जसमा बालबालिका देखि बृद्धाहरु समेत सम्मिलित थिए ।

स्वागतका साथै जनताले नेताहरुलाई अभिनन्दन समेत गरेका थिए ।

गोरखा दरवार परिसरभित्र त्यहाँका कर्मचारीले नेताहरुलाई स्वागत गरेका थिए ।

कार्यक्रममा गोरखा दरवारमा रहेको साइन बोर्ड हटाएर संघीय लोकतान्त्रिक गणतन्त्र नेपाल, २०६५ जेठ १५ लेखिएको बोर्ड लगाइएको थियो । अध्यक्ष प्रचण्डले नयाँ नेपाल स्थापनाको औपचारिक बोर्डको उद्घाटन गर्नु भएको थियो ।

गोर्खा दरवारबाट गोरखाबजारको दृष्यबाट आगन्तुक तथा नेताहरु आत्मविभोर भएका थिए ।

कार्यक्रम पछि अध्यक्ष प्रचण्ड तथा डा. बाबुराम भट्टराईले पत्रकारहरुले सोधेको प्रश्नहरुको जवाफ दिनु भएको थियो ।

नेताहरुले गोर्खामा रहेको राम शाहको दरवारको समेत अवलोकन गर्नु भएको थियो ।

कार्यक्रममा गोर्खा स्रग्रहालयको अध्यक्ष प्रचण्डले उद्घाटन गर्नु भएको थियो ।

उद्घाटन समारोहमा उपस्थित विशाल जनसमूहलाई अध्यक्ष प्रचण्डले सम्वोधन गर्नु भएको थियो ।