|
'राष्ट्रिय स्वाधीनतामाथि गम्भीर
खतरा’
मनोज घर्तीमगर
काठमाडौं, १७ असार
: नेकपा (माओवादी)का
वरिष्ठ नेता मोहन वैद्य 'किरणुले मधेसवादी दलहरूले
उठाएको 'एक मधेस एक प्रदेश’को
नाराले नेपाली राष्ट्रिय स्वाधीनताको अवस्था गम्भीर
बन्दै गइरहेको बताउनुभएको छ ।
'देशभक्त गणतान्त्रिक एकता अभियान’द्वारा
मंगलबार सञ्चार समूहमा आयोजित अन्तर्त्रिmया
कार्यक्रममा नेता किरणले राष्ट्रिय स्वाधीनता खतरामा
पुर्याउने गतिविधि नेपाली जनतालाई सैहृय नहुने चेतावनी
दिनुभयो ।
'राष्ट्रिय स्वाधीनताका लागि गणतन्त्रवादी, वामपन्थी,
देशभक्तलगायत सम्पूर्ण नेपाली एकढिक्का भएर
दृढतापूर्वक संघर्षमा उत्रनुपर्ने,’
उहाँको भनाइ थियो । वर्तमान अवस्थामा राष्ट्रिय
स्वाधीनतालाई खतरामुक्त गर्न सबै नेपालीको मुख्य
दायित्व भएको औंल्याउँदै किरणले राष्ट्रिय स्वाधीनताको
प्रश्न अहिले पहिलो प्राथमिकतामा रहेको बताउनुभयो ।
नेता किरणले जातीय, क्षेत्रीय स्वायत्ततासहित
संघीयताको कुरा माओवादीले जनयुद्धबाट स्थापित गरेको
बताउँदै शान्तिप्रक्रियापछि माओवादीलाई मधेसबाट सखाप
पार्न एक मधेस एक प्रदेशको नारा छेडिएको दाबी गर्नुभयो
। 'यो अभियान नेपालको राष्ट्रिय स्वाधीनताको विरुद्धमा
हो,’ उहाँको तर्क थियो ।
एक मधेस एक प्रदेशको माग माओवादीले कुनै पनि हालतमा
नस्विकार्ने अडान दोहोर्याउँदै तराईमा मिथिला, भोजपुरा,
अबध, कोचिला, थारूवानलगायतका स्वायत्त प्रदेश हुने
बताउनुभयो । 'तराईका अन्य जातिको अधिकार हस्तक्षेप
हुन्छ । तराईलाई मधेस मात्र मान्न सकिादैन,’
उहाँको भनाइ थियो । मधेसवादी दलहरूलाई एक मधेस एक
प्रदेशको नारा लिएर २४० वर्षपछिको तराईमा अर्को
एकात्मक राज्य व्यवस्था स्थापना गर्न लागेको नेता
किरणको आरोप थियो । सबै वर्ग, जाति, क्षेत्रका अधिकारका
भावना नयाँ बन्ने संविधानमा समेटिने उहाँको प्रतिबद्धता
थियो । सो अवसरमा उहाँले मधेसवादी दलहरूले संविधानसभाको
बैठकलाई अगाडि बढ्न नदिएर नाराबाजी गर्ने र रोष्ट्रम
घेर्ने कार्य वाञ्छनीय नभएको टिप्पणी गर्नुभयो ।
अन्तर्त्रिmयामा नेकपा
(एमाले)का नेता रामचन्द्र
झाले तराईमा अर्को पृथ्वीनारायण शाहको उत्पत्ति हुन
थालेको बताउनुभयो । उहाँले भन्नुभयो- 'कतिपय मधेसवादी
दलले तराईमा केन्द्रीकृत सत्ता बनाउन खोजेका छन् ।’
संविधानसभाको बैठक अवरुद्ध
बनाएर मधेसवादी दलले तराईबासी जनताको भावनाविपरीत काम
गरेको बताउनुभयो । नेता झाले जनादेशविपरीत काम नगर्न
ती दलहरूलाई आग्रह गर्नुभयो ।
एमाले नेता झाले मधेसवादी
दलहरूले उठाएको मागमा सहमत हुन तराई टाइगर आर्मीका
केन्द्रीय सदस्यले फोनमार्फत धम्की दिएको खुलासा
गर्नुभयो । मधेसवादी दलहरूले फोनमार्फत आफूलाई धम्की
दिन लगाएको उहाँको आरोप थियो ।
मधेसी जनअधिकार फोरमका
केन्द्रीय सदस्य वीपी यादवले 'हामीले एक मधेस एक
प्रदेश होइन । मधेस स्वायत्तताको कुरा गरेका हौं,’
भन्नुभयो । यादवले भन्नुभयो×- 'मुख्यगरी कांग्रेस,
एमाले सम्झौताको विरोधमा गएका छन् ।’ मधेसीले देश
टुक्र्याउन खोजेका छन् भन्ने आफूहरूलाई आरोप लागेको
दाबी गर्दै उहाँले भन्नुभयो- 'अधिकार नपाए देश टुक्रने
हो । थारू कल्याणकारीसभाका अध्यक्ष राजकुमार लेखीले
महन्थ, उपेन्द्र र राजेन्द्र श्रीपेचबिनाको राजा बन्न
खोजेको आरोप लगाउनुभयो । उहाँले मधेसवादी दलका कारण नयाँ
संविधान बन्नमा खतरा रहेको बताउनुभयो । संविधानविद्
दिनेश त्रिपाठीले राष्ट्र टुत्रयाउनेगरी आत्मनिर्णयको
अधिकार कुनै पनि संविधानले नदिने दाबी गर्नुभयो ।
स्वायत्तताबिना संघीयता नबन्ने कानुनी कुरा गर्दै
त्रिपाठीले स्वायत्तताको विषयमा अहिल्यै कुरा गरिराख्न
आवश्यक नहरहेको बताउनुभयो । 'ती सबै निर्णय
संविधानसभाले गर्ने हो । सात दल आठ दलले होइन,’ उहाँको
भनाइ थियो ।
कार्यक्रममा देशभक्त गणतान्त्रिक एकता अभियानका
सदस्य प्रा.डा. महेन्द्र सिंहले तराईका मधेसवादी
सभासद्हरूलाई रोष्ट्रम घेर्न संविधानसभामा नपठाएको
बताउनुभयो । 'तराईका जनताले कहिल्यै एक मधेस एक
प्रदेशको कुरा गरेका छैनन् । यो त तराईबासी जनताको
भावनाविपरीतको कुरा हो,’
सिंहले तराईमा विभिन्न स्वायत्त राज्य हुनुपर्ने कुरा
बताउनुभयो ।
|
