भारतीय दूतावासमा गोप्य मन्त्रणा, कोइरालालाई टिकाउन चालीस करोड

कुसुम भट्टराई

काठमाडौं, २६ साउन : बहुमतीय प्रणालीका आधारमा संविधानसभाबाट प्रधानमन्त्री चयनको प्रक्रिया प्रारम्भ भएपछि स्वदेशी तथा विदेशी शक्तिहरू नेकपा-माओवादी)लाई कुनै पनि हालतमा सत्तामा पुग्न नदिने षड्यन्त्रमा लागेका छन् । संविधानसभामा माओवादीको पक्षमा बहुमत जुट्ने अवस्था देखिएपछि उनीहरूले सभासद्को मत खरीदलगायतका सम्पूर्ण हतकन्डा अपनाउने तयारी गरिरहेको तथ्य पत्ता लागेको छ । उच्च सूत्रका अनुसार गिरिजाप्रसाद कोइरालालाई प्रधानमन्त्रीमा टिकाइराख्न शक्तिकेन्द्रहरूले सभासद्को मत खरिदका लागि ४० करोड रुपैयाँ छुटयाइएका छन् ।

नेपालको आन्तरिक मामिलामा प्रत्यक्ष हस्तक्षेप गरिरहेको छिमेकी मुलुक भारतले नेकपा-माओवादी)लाई कुनै हालतमा सत्तामा पुग्न नदिने रणनीतिबमोजिम काठमाडौंस्थित आफ्नो दूतावासलाई सक्रिय बनाउन थालेको छ भने माओवादीविरुद्ध नेपाली काङ्ग्रेस र नेकपा-एमाले)को केपी ओली गुटलगायतका दक्षिणपन्थीहरूले साँठगाठ गर्दैछन् ।

सोही षड्यन्त्रलाई मूर्त रूप प्रदान गर्नेबारे छलफल गर्न गएको शुक्रबार साउन २४ गते) साँझ भारतीय राजदूत राकेश सुदले दूतावासमै आयोजना गर्नुभएको रात्री भोजसहितको छलफलमा काम चलाउ प्रधानमन्त्री गिरिजाप्रसाद कोइराला सहभागी हुनुभएको सूत्रहरूले जनाएका छन् । सो गोप्य भेटघाटमा एमाले नेता केपी शर्मा ओली, जनशक्ति पार्टीका अध्यक्ष सूर्यबहादुर थापा, काङ्ग्रेस नेता रामचन्द्र पौडेल र राजदूत सुदको सहभागिता थियो । भेटघाटमा सकेसम्म माओवादीको नेतृत्वमा सरकार गठन हुन नदिने र त्यसका लागि जुनसुकै हतकन्डा अपनाउने सहमति भएको बुझिएको छ ।

राष्ट्रिय सहमतिका नाममा रक्षा, गृह र अर्थमन्त्रालय अरूका भागमा पारेर माओवादीको नेतृत्वमा सरकार गठनको प्रयास सफल नभएको अवस्थामा संविधानसभाको मत कसरी प्रभावित पार्न सकिन्छ भन्नेबारे दूतावासमा छलफल केन्दि्रत भएको सूत्रको दाबी छ । भारतीय राजदूतसहितको सोही मन्त्रणामा गिरिजाप्रसाद कोइरालालाई प्रधानमन्त्रीमा टिकाइरहन आवश्यक सभासद् संख्या पुर्‍याउन पच्चीस करोड भारु -४० करोड रुपैयाँ) खर्च गर्ने प्रपञ्च रचिएको दूतावास निकट सूत्रले जनदिशालाई बतायो । सो भेटमा कोइरालालाई प्रधानमन्त्री पदमा टिकाउने मात्र नभई, नयाँ सरकारले प्रस्तुत गर्ने नीति तथा कार्यक्रम र बजेटमा समेत भारतको स्वार्थपूर्ति गर्ने समझदारी गरिएको सो सूत्र बताउँछ ।

'भ्रष्टाचारकै लागि रक्षा/गृह खोजेका हुन्’

जनदिशा संवाददाता

उहाँले भन्नुभयो, -'एउटा प्रधानमन्त्रीको सामान्य आयलाई हेर्ने हो भने ऊ करोडपति बन्न चालीस-पचास वर्ष लाग्छ । तर नेपालमा एउटा मान्छे छ महिना एक वर्ष मन्त्री बन्न नपाउँदै अर्बपति बन्ने गरेको छ । त्यसैले अदृश्य रूपमा सम्पत्ति कमाउने मूल्य मान्यतालाई नत्यागेसम्म परिवर्तन आउँदैन ।’

कार्यक्रममा नागरिक समाजका अगुवा डा. देवेन्द्र पाण्डेले भ्रष्टाचार नियन्त्रण गर्न राज्यसत्ताले चासो नदिएको उल्लेख गर्दै भ्रष्टाचारीलाई सजाय नभएसम्म भ्रष्टाचार नरोकिने बताउनुभयो ।

लेखक मानन्धरले भ्रष्टाचारविरुद्ध काम गर्नेहरू निरुत्साहित भएको भन्दै भ्रष्टाचारविरुद्धको आन्दोलनमा लाग्न सबैले सहयोग पुर्‍याउनुपर्ने विचार व्यक्त गर्नुभयो ।

यसैबीच आइतबार राजधानीमा स्वर्गीय धर्मरत्न यमीको 'जीवन सरिता’ नामक कवितासङ्ग्रह विमोचनपछि सञ्चारकर्मीहरूसँगको कुराकानीमा नेता भट्टराईले भन्नुभयो- 'काङ्ग्रेसले तेस्र्याएका विभिन्न माग नयाँ सकार बनाउन नदिन थापेको अड्को मात्र हुन् । अब हामी त्यसको भण्डाफोर गछौर्ं ।’

वरिष्ठ नेता भट्टराईले रक्षा, गृह र अर्थ तीन मन्त्रालय प्रधानमन्त्रीभित्र पर्ने बताउँदै रक्षा काङ्ग्रेसलाई दिन नसकिने अडान दोहोर्‍याउनुभयो । यथास्थितिवादी सोच चिन्तनका कारण अहिलेसम्म नयाँ सरकार बन्न नसकेको उहाँको भनाइ थियो । उहाँले नयाँ सरकार निर्माणका लागि जनदबाब आवश्यक पर्ने पनि बताउनुभयो ।

स्वर्गीय यमीको कविता विमोचनमा भट्टराईले स्वर्गीय यमी राजनीतिक सहकार्यको पक्षमा विचार राख्ने व्यक्ति भएको र अब नेपालमा त्यो प्रयोग हुनुपर्ने बताउनुभएको थियो । माओवादी केन्द्रीय सदस्य तथा स्वर्गीय धर्मरत्न यमीका छोरी हिसिला यमीले धर्मरत्न एक विद्रोही नेता भएको र उहाँका कृतिहरू विद्रोही धारका भएको आफूले पाएको बताउनुभयो ।