जनदिशा संवाददाता

काठमाडौं, ३ असार : नेकपा (माओवादी)का वरिष्ठ नेता डा. बाबुराम भट्टराईले तीन दलबीच आज हुने वार्ता नयाँ सरकार गठनको प्रक्रियामा केन्दि्रत हुने बताउनुभएको छ ।

मंगलबार तीन दलको वार्ता सकिएपछि जनदिशासाग संक्षिप्त कुरा गर्दै वरिष्ठ नेता भट्टराईले सो जानकारी दिनुभएको हो । यद्यपी उहाँले राष्ट्रपतिको निर्वाचन, शक्ति र जिम्मेवारी बाँडफाँडको विषयमा छलफल नटुङ्गएिको बताउनुभयो ।

'राष्ट्रपतिको विषयमा अझै पनि टुङ्गएिको छैन तर पनि आज नयाँ सरकार गठन कसरी गर्ने भन्ने विषयमा छलफल हुन्छ, संविधानसभा निर्वाचनमा पार्टीहरूलाई जुन जनादेश प्राप्त भएको छ र जनताले जुन हैसियतमा राखेका छन्, त्यही हैसियतका आधारमा नयाँ सरकार गठन हुनुपर्छ’ डा. भट्टराईले भन्नुभयो । उहाँले सबैले आ-आफ्नो हैसियतअनुसार जिम्मेवारी लिएर अगाडि बढ्नुपर्नेसमेत बताउनुभयो ।

'नयाँ सरकार गठनमा ढिलाई भएको कारणले जनतामा जुन अन्योल र निराशा बढ्दै भएको छ, त्यो अवस्थालाई छिटोभन्दा छिटो अन्त्य गर्नुपर्ने भएकाले बुधबार नै पुरानो सरकारले राजीनामा गरेर नयाँ सरकारको निर्माणमा मार्गप्रशस्त गर्नुपर्छ’ वरिष्ठ नेता भट्टराईले भन्नुभयो ।

तीन दलका शर्षि नेताहरूबीच मंगलबार भएको वार्तामा तीनवटा मुख्य एजेन्डामा छलफल भएको जानकारी नेता भट्टराईले दिनुभयो । 'मंगलबार हामीले शान्तिसम्झौता कार्यान्वयन, संविधान संशोधन र शक्ति र जिम्मेवारी वाडफाँड गर्ने तीनवटा एजेन्डामा छलफल गर्‍यौं’ उहाँले बताउनुभयो ।

मंगलबारको वार्तामा तीनवटा एजेन्डामध्ये शान्तिसम्झौतामा उल्लेख भएको सेना समायोजन, बेपत्ता पारिएकाहरूको खोजी र परिवारलाई राहत, घाइते तथा जनयुद्धका सहिद परिवारलाई राहत उपलब्ध गराउने र सम्पत्ति फिर्ता गर्ने विषयलाई निश्चित प्रक्रिया र समयसीमाभित्र सम्पन्न गर्ने सहमति भएको छ । 'तीनदेखि ६ महिनाभित्र शान्तिसम्झौतामा उल्लेख गरिएका कुराहरूलाई एउटा प्रक्रिया निर्धारण गरेर कार्यान्वयन गर्ने सहमति भएको छ’ वरिष्ठ नेता भट्टराईले भन्नुभयो । उहाँले शान्तिसम्झौताको कार्यान्वयन गर्नुपर्छ भन्ने विषयमा सबैको सहमति रहेको तर प्रक्रियामा मात्र केही असहमतिहरू रहेकाले समयसीमा तोकेको जानकारीसमेत दिनुभयो ।

नेता भट्टराईले संविधान संशोधनको विषयमा पनि दलहरूबीच करिबकरिब सहमति बनेको बताउनुभयो ।

दलहरू मंगलबारको बैठकमा शक्ति बाँडफाँडको विषयमा सहमति हुन नसकेकाले बुधबार घनिभूत छलफल गर्ने जानकारी भट्टराईले दिनुभयो । बुधबार सहमति भएन् भने नैतिक हिसाबले माओवादी सरकारमा बसिरहन उपयुक्त नहुने भएकाले सरकार छाडिदिने जानकारी प्रधानमन्त्रीलाई दिएको नेता भट्टराईले खुलासा गर्नुभयो ।

उहाँले अहिलेको मुख्य मुद्दा त शक्ति बाँडफाँडकै भएको बताउँदै अन्य राजनीतिक दलहरूले त्यसलाई ओझेलमा पार्न र छोप्नका निम्ति सेना समायोजन र संविधान संशोधनको मुद्दा उठाएको बताउनुभयो ।